Monday, October 12, 2020

ఏపీ ప్రజలకు గుడ్ న్యూస్: సగానికి పడిపోయిన కరోనా కేసులు


ఆంధ్రప్రదేశ్‌ ప్రజలకు గుడ్ న్యూస్. రాష్ట్రం కరోనా వైరస్ మహమ్మారి పూర్తిగా తగ్గుముఖం పట్టినట్లు కనిపిస్తోంది. సోమవారం కరోనా కేసులు ఏకంగా సగానికి పడిపోయాయి. ప్రతి రోజూ దాదాపు 6 వేలుగా నమోదయ్యే కేసులు.. సోమవారం ఏకంగా 3 వేలకు తగ్గిపోయాయి. సోమవారం రాష్ట్ర వైద్య, ఆరోగ్య శాఖ విడుదల చేసిన బులిటెన్‌లో గడిచిన 24 గంటల్లో 61,112 మందికి కరోనా వైరస్ నిర్ధారణ పరీక్షలు నిర్వహించగా 3,224 మందికి కరోనా పాజిటివ్‌గా నిర్ధారణ అయింది. దీంతో రాష్ట్రవ్యాప్తంగా మొత్తం కరోనా వైరస్ కేసులు 7,58,951కు చేరుకున్నాయి

అలాగే రాష్ట్రంలో కరోనా వైరస్ మరణాలు తగ్గడం లేదు. ఆదివారం కరోనా బారినపడి 30 మంది మరణించగా.. సోమవారం ఆ సంఖ్య 32కు పెరిగింది. దీంతో రాష్ట్రవ్యాప్తంగా కరోనా మహమ్మారి వల్ల మృతి చెందిన వారి సంఖ్య 6,256కు చేరుకుంది. కరోనా మహమ్మారి బారిన పడి గడిచిన 24 గంటల్లో కృష్ణా జిల్లాలో ఐదుగురు, ప్రకాశంలో ఐదుగురు, గుంటూరులో నలుగురు, కడపలో నలుగురు, అనంతపురంలో ముగ్గురు, తూర్పు గోదావరిలో ముగ్గురు, చిత్తూరులో ఇద్దరు, పశ్చిమ గోదావరిలో ఇద్దరు, కర్నూలులో ఒకరు, నెల్లూరులో ఒకరు, శ్రీకాకుళంలో ఒకరు, విశాఖపట్నంలో ఒకరు మృత్యువాత పడ్డారు.

అలాగే డిశ్చార్జిలు మాత్రం రాష్ట్రంలో స్వల్పంగా తగ్గిపోయాయి. సోమవారం 5,504 మంది కరోనా మహమ్మారిని పూర్తిగా జయించి డిశ్చార్జి అయ్యారని వైద్య ఆరోగ్య శాఖ వెల్లడించింది. దీంతో రాష్ట్రవ్యాప్తంగా నమోదైన మొత్తం 7,58,951 పాజిటివ్ కేసులకు గాను, 7,08,712 మంది డిశ్చార్జి కాగా, ప్రస్తుతం 43,983 మంది వివిధ ఆస్పత్రుల్లో చికిత్స పొందుతున్నారు. ఇక తూర్పు గోదావరి, పశ్చిమ గోదావరి జిల్లాల్లో కరోనా కేసులు యథావిధిగా పెరిగిపోతున్నాయి.

0 comments:

Post a Comment

SEARCH THIS SITE

LATEST UPDATES

TRANSFERS 2020

Mid Day Meal

NAADU NEDU

EDUCATIONAL APPS

JOBS/RESULTS/NOTIFICATIONS

ORDERS & PROCEEDINGS

SERVICE MATTERS

Top